განათლებაზე სახელმწიფოს დანახარჯები იზრდება, ოჯახების მიერ გაწეული ხარჯები კი იკლებს. ამის მიუხედავად ქვეყნის მთლიან შიდა პროდუქტში განათლებაზე გაწეული დანახარჯები 2.8%-ს არ აღემატება. (განათლების სამინისტროს ოფიციალური ინფორმაცია)
გრაფიკი1. განათლების დანახარჯები მთლიანი შიდა პროდუქტთან მიმართებაში (ნომინალური მშპ)
გაცილებით თვალსაჩინოა განათლებისა და მეცნიერების სამინისტროს ბიუჯეტის ზრდა. 2017 წლის სახელმწიფო ბიუჯეტში განათლების სამინისტრო დაფინანსების რაოდენობით მესამე ადგილზეა და 1. 116 მლრდ ლარი აქვს დასახარჯი.
გრაფიკი2. განათლების სამინისტროს ბიუჯეტი წლების მიხედვით
განათლებისა და მეცნიერების სამინისტროს გარდა, განათლების ხელშწყობისთვის ფულს სხვა სახელმწიფო ორგანოებიც ხარჯავენ. მათ შორის, თავდაცვის, კულტურის, შინაგან საქმეთა სამინისტროები, ასევე აფხაზეთის განათლებისა და მეცნიერების სამინისტრო, სპორტის და ახალგაზრდობის საქმეთა სამინსიტრო, აჭარის მთავრობა, ადგილობრივი თვითმმართველობები და ა.შ. ოფიციალური სტატისტიკა აჩვენებს, რომ ნაერთი ბიუჯეტის მიხედვით განათლების დარგის დაფინანსება ყოველწლიურად იზრდება.
გრაფიკა 3: საქართველოს ნაერთი ბიუჯეტის ხარჯები განათლებაზე (მლნ ლარი)
განათლებაში ინვესტირებას ოჯახებიც ახდენენ. ოფიციალური სტატისტიკის მიხედვით, ოჯახების მიერ განათლებაზე გაწეული ხარჯების მოცულობა არაერთგვაროვანი კლების ტენდენციით ხასიათდება, თუმცა ბოლო მონაცემების თანახმად, შინამეურნეობების დანახარჯები კვლავ ასობით მილიონი ლარია.
გრაფიკი 4: შინამეურნეობების და არაკომერციული ორგანოების დანახარჯები განათლებაზე (მლნ. ლარი)
მეგი კავთუაშვილის ბლოგი 