საზოგადოება

მე გამიმართლა …

მე გამიმართლა, რომ გოგო ვარ და ბიჭი შემიყვარდა.
გამიმართლა, რომ ჩვენ სიყვარულს ოჯახი დავარქვით.
გამიმართლა, რომ არ მაქვს “გამოუყენებელი საშვილოსნო”.
გამიმართლა, რომ მყავს ორი მზისთვალება გოგო და მხოლოდ იმათ ვიგერიებ, ვისაც გონია, სანამ დროა მესამე ბიჭს აუცილებლად გავაჩენ მე, “ჭკვიანი” გოგო.
“გამიმართლა”, რომ არ ვარ უკანონო შვილი, აყვანილი, ჩემ მშობლებს არ აქვთ შიდსი და ჩემი ოჯახის წევრები არ არიან ნასამართლევები.
გამიმართლა, რომ იმაზე მობრეცილი ცხვირი არ მაქვს, ვიდრე მაქვს.
გამიმართლა, რომ იმაზე წითელი ლოყები არ მაქვს, ვიდრე მაქვს.
გამიმართლა, რომ იმაზე მოკლე ფეხები არ მაქვს ვიდრე მაქვს.
გამიმართლა, რომ იმაზე პატარა მკერდი არ მაქვს ვიდრე მაქვს.გამიმართლა, რომ მომწონს საერთო საზოგადოებრივ ლოგიკას დაქვემდებარებული ჩაცმულობა.
მე გამიმართლა, რომ ჩემი ცხოვრება ემთხვევა საზოგადოებრივ ინტერესებს.

ვაი თუ ყოფილიყო სხვანაირად? რა გაუძლებდა ამდენ დამრიგებელს, შემჩვენებელს, ანათემაზე გადამცემელს, სხვის ომში ბრძენს, ჰომოფობს, სხვისი ცხოვრების გამგებელს. მეც ხომ სხვებივით დამხრავდნენ, შემჭამდნენ, “ტაბურეტკით” გამისწორდებოდნენ.

ხომ დაინტერესდებოდნენ, რას დავეთრევი იმ ბიჭთან ერთად? რატომ აღარ ვათევ ღამეს მშობლების სახლში? რატომ ვაგვიანებ შვილების გაჩენას? ხომ გადარევდნენ ჩემ ჭკვიან დედას, რად არ თხოვდებაო? არ მოყავს იმ ბიჭსო? შენ როგორ უშვებ ასე ჩაცმულს სახლიდანო? როგორ ეფერები ეგეთ შვილსო? როგორ აჩერებ მასეთს სახლშიო?

ხომ ასჯერ მაინც წამომაძახებდნენ, რომ ნაბიჭვარი ვარ, აყვანილი, ავადმყოფების, ნაციხარის, ცუდი ოჯახის შვილი.
ხომ ათასჯერ მაინც მირჩევდნენ, ჩამეცვა წესიერად, გამეკეთებინა ცხვირის ოპერაცია, წამესვა “ტონალური”, ჩამედგა იმპლანტები.
ხომ მეტყოდნენ, რომ მაღალ ქუსლიანი ფეხსაცმელი უფრო მიხდება და უნდა  მ ო ვ ი თ მ ი ნ ო , რომ უფრო ლამაზი გამოვჩნდე. საზოგადოების თვალში.
და ვაი თუ ჩემი ჰორმონები არეულიყვნენ. ჩემი ქალური ესტროგენები მამაკაცურ ანდროგენებს დაეჩაგრა.  ვაი თუ ვერ გაეგოთ ქალი ვარ თუ კაცი. ვაი თუ ვემსხვერპლე ჩემ სურვილებს, ჩემ თავისუფლებას, ჩემ გრძელ ენას.

გამოდის, გამიმართლა, როცა ჩემი პირადი კმაყოფილების ინდექსი ემთხვევა საზოგადოდ მიღებულ წესებს. გამიმართლა, რომ არ მინდება მდინარის საწინააღმდეგოდ ცურვა. გამიმართლა, რომ ერთი ჩვეულებრივი, არაფრით გამორჩეული გოგო ვარ. ზუსტად ისეთი, სუფრაზე დღეგრძელობას რომ “იმსახურებს”.

11 thoughts on “მე გამიმართლა …

  1. როგორც ყოველთვის, აქტუალური ხარ. როგორც ყოველთვის, ჩვენი სათქმელი თქვი. და ძალიან კარგად თქვი!

    Like

  2. ისეთი პოსტია, ბრძოლის, წინააღმდეგობის სურვილს რომ აძლიერებს და ჩაძინებულ შინაგან ინდივიდუალურ “მეს” აღვიძებს ❤

    Liked by 1 person

  3. Ukacravad , ukanono shvili ras nishnavs ?
    Gauxedet gamoixadet bolos da bolos samoqalaqo kodeqshi chaixedet
    Saidan es tremini?
    Sul mcire sheuracxmtofelia yvela Im adamianistvis visi mshovlebic qorwinebashi ar Arian, da sul mcire roca tkvens naazrevs aqvrynebt elementarulze unda dafikrdet

    Like

  4. ბრავო ^_^ თქვენ არა ხართ ჩვეულებრივი, არაჩვეულებრივი ხართ ^_^

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s